Tekst og arkivalske oplysninger efter APD l.l.
Abbati monasterii de Insula dei Ottoniensis diocesis.
Ex debito ministerii pastoralis, (quo ecclesiarum omnium regimini presideamus, ad ea, per que ecclesiarum ipsarum et ecclesiasticarum personarum in illis divinis laudibus deditarum commoditatibus consulitur, libenter intendimus, eisque favorem apostolicum impertimur).
Sane pro parte prioris et capituli ecclesie Ottoniensis ordinis s. Benedicti nobis nuper exhibita petitio continebat, quod olim bone memorie Petrus archiepiscopus Lundensis Svecie primas et apostolice sedis legatus, provide attendens et ex relatione prioris et capituli predictorum informatus, quod nonnulli satellites sacre religionis emuli priorem et canonicos dicte ecclesie in suis juribus et libertatibus impedire ac per diversa damna, incommoda et disturbia vexare et assidue gravare non verebantur, ecclesiam predictam ac illius priorem et canonicos sub sua ac sedis metropolitane protectione specialiter recepit defendendos ac omnia litteras et privilegia super quibuscunque gratiis tam a predecessoribus suis archiepiscopis Lundensibus quam episcopis Ottoniensibus necnon aliis prelatis <et>[1] principibus quibuscunque dictis priori et canonicis concessa ex certa scientia confirmavit ....
Quare prior et canonici predicti nobis supplicarunt, ut receptioni <et>[2] confirmationi predictis ac aliis premissis robur apostolice confirmationis adjicere et alias eis super hiis oportune providere dignaremur.
Nos itaque, qui de premissis certam notitiam non habemus, discretioni tue mandamus, quatenus super premissis omnibus auctoritate nostra te diligenter informes et, si per informationem hujusmodi ita esse reppereris, receptionem, confirmationem ac quecunque inde secuta auctoritate nostra et ex certa scientia confirmes ....
Datum Bononie 4. id. jan. anno 7.
I perioden frem til 30. juni 2021 vil redaktionen udelukkende udarbejde tekster.