Tekst efter A.
Beatissime pater ♦
Supplicant sanctitati[1] vestre devoti ejusdem sanctitatis abbatissa et moniales necnon confessor generalis et fratres perpetuo incluse et inclusi monasterii in Mariebo ordinis sancti salvatoris Ottoniensis dyocesis quatinus ipsis et eo[rum] sororibus et fratribus eciam ab extra eis servientibus presentibus et futuris ut eorum confessor predictus et alius vel alii ex dictis fratribus qui pro tempore [fu]erint presbiteri per eum deputandus vel deputandi ipsarum et ipsorum quamlibet vel quemlibet semel tantum ab omnibus delictis excessibus [et] peccatis eciam si talia forent de quibus sedes apostolica esset merito consulenda absolvere possint ♦ qui eciam confessor pro tempore existens per s[e] vel eligendum ab eo quemlibet fratrem presbiterum pro presenti professum et in futurum perpetuis temporibus professurum prefati monasterii a quibuscunque [excommunica]cionis suspensionis et interdicti sentenciis sive ab homine sive a jure in eum generaliter latis ac eciam prefate sedi reservatis . necnon censuris et [p]enis aliis ecclesiasticis quavis occasione per eum in officiis administracionibus sive ordinibus commissis[2] absolvat eciam semel ipsique p[enitenc]iam debitam et possibilem injungat ac secum similiter semel super irregularitate et inabilitate quomodocunque et qualitercunque contractis dispens[et] . homicidio bigamia et mutilacione membri dumtaxat exceptis / omnesque inabilitatis et infamie maculas sive notas circa eum penitus aboleat ♦ insuper a censuris quas ex inadvertencia vel ignorancia quemlibet fratrem predictorum incurrere contingeret quociens op[us] fuerit eciam absolvere necnon <secum>[3] super irregularitate celebrando divina ex talibus censuris contracta dispensare / ac in casibus episcopo reservatis [e]ciam quociens opus fuerit absolvere possit ♦ item eciam ut confessor eorum predictus vel ab eo deputandi[4] omnium peccatorum suorum de quibus corde contriti [et] ore confessi fuerint semel tantum in mortis articulo plenam remissionem ipsis fratribus et sororibus presentibus et futuris in sinceritate fid[ei] unitate sancte Romane ecclesie ac obediencia et devocione vestre sanctitatis vel successorum vestrorum Romanorum pontificum canonice intrancium persistentibus a[uctori]tate apostolica concedere valeat ♦ et insuper quod singulis ebdomodis (!) per unum annum ultra jejunia juxta regulam dicti monasterii per eos [obser]vanda septem psalmos penitenciales ex injuncta eis penitencia dicere teneantur quos confessor prefatus secundum personarum condicionem et qualitatem ac [pro]ut animarum ipsarum saluti expedire viderit commutare valeat in alia opera pietatis ♦ proviso quod si persone hujusmodi quod a[bs]it ex confidencia remissionis prefate aliqua forsan illicita comitterent quo ad illa dicta remissio nullatinus suffragetur ♦ consti[tu]cionibus et ordinacionibus apostolicis necnon statutis privilegiis indultis et consuetudinibus dicti ordinis ceterisque in contrarium facientibus n[on] obstantibus quibuscunque <concedere dignemini>[5] \ Concessum ut petitur de omnibus quam diu fuerint in observancia regulari in presencia domini nostri pape Cristoforus Ariminensis[6] ♦
Et quod hujusmodi supplicacionis signatura sola sufficiat absque eo quod apostolice desuper littere conficiantur \ Co[nc]essum C Ariminensis[7] ♦
Datum Ferarie octavo kalendas octobris anno octavo[8] ♦
I perioden frem til 30. juni 2021 vil redaktionen udelukkende udarbejde tekster.