Stub: tekst og oversættelse under udarbejdelse
Georgius tituli s. Anastasie presbiter, Prosper s. Georgii ad velum aureum, Petrus s. Marie nove diaconus, Romane ecclesie cardinales. Splendor paterne glorie etc. Cupientes, ut capella s. Gertrudis in oppido Køge Roskildensis diocesis congruis frequentetur honoribus, fidelesque Christi eo libentius devotionis causa confluant ad illam, quo ibid. dono celestis gratie uberius noverint se refectos, et a Christi fidelibus jugiter veneretur, omnibus vere penitentibus et confessis, qui dictam capellam in nativitatis, circumcisionis, epi[p]hanie, resurrectionis, ascensionis, pentecostes, trinitatis et corporis dni. necnon conceptionis, nativitatis, presentationis, annuntiationis, visitationis, purificationis et assumptionis Marie ac nativitatis Johannis baptiste, Petri et Pauli ac aliorum apostolorum, Laurentii atque Nicolai, Erasmi et Gertrudis, Anne et Birgitte, Kanuti et Olaui regum, inventionis et exaltationis crucis, 4 evangelistarum et ecclesie doctorum, omniumque sanctorum et ipsius capelle festivitatibus visitaverint annuatim ac alias, quicunque etiam pro reparatione et conservatione edificii, calicum, librorum et aliorum ornamentorum pro divino cultu inventorum, quotiensqunque manus porrexerint adjutrices ac cimiterium capelle circumierint ac pro inibi defunctis pater noster et ave Maria dixerint ac corpora sepelienda inibi associaverint, divinis officiis interessendo oraverint, quandoqunque et quotiensqunque premissa aut aliquid premissorum fecerint, nos pro qualibet vice 100 dies de injunctis penitentiis relaxamus. Nostra sig. Datum Rome die 20. febr. pontific. Dn. Eugenii IV anno 15