Tekst efter UBStL l. l.
Vruntliken grut mit begeringe alles guden tovoren.
Ersamen leuen vrundes.
Alse wij juwer leue kortliken gescreuen hebben vmme den man, mit den gij, her Hinrik , vor tijden tor Arnsboken geredet hebben, dat he vppe sunte Johans dach to middenzomere erst komet[1] mit vns wolde wesen to der brutlacht etc., des willet, leuen heren, weten, dat vnse dont also gelegen is vnde dat yd van node is, dat de sulue man mit synen vrunden vppe desse vorscreuene tijd mit vns sy to der suluen brutlacht, vnde bidden fruntlik, dat gij des mit eme to eme vnuortogerden gantzen ende ouerkomen, effte he dat don kone effte nicht, vnde vns des juwe vnuortogede antworde sunder sumen willet benalen, went wij vns darvp verholden, dat wij na nynen anderen vnsen vrunden schicken noch bestellen to desser suluen vnser brutlacht to komende, darmede wij groffliken gesumet mochten werden, nadem de tijd sere kort is.
Bewiset iuw endeliken hirane, dat wille wij gerne vorschulden, wor wij mogen.
Gode zijd beuolen.
Screuen vnder vnsem secret, in vigilia Corporis Christi Mo CCCC XX.
Consules Lubicenses.
I perioden frem til 30. juni 2021 vil redaktionen udelukkende udarbejde tekster.