1427. 17. oktober.

Tekst

.. Introductis lite et causa in vestro sacro palatio apostolico inter .. Petrum Voget clericum Ottoniensis diocesis actorem ex una et quosdam Constantinum de Bradenkol de Vechta et Petrum Brettorpp assertos presbiteros Osnaburgensis et Bremensis diocesium de perpetuis vicariis in cathedrali et s. Anscharii Bremensibus ac S. Georgii necnon ss. Cosme et Damiani Stadensi ecclesiis Bremensis diocesis tunc per dictum Petrum Voghet per modum inhabilitatis dicti Constantini et per liberam resignationem domini Henrici de Varwen coram notario et testibus ... sponte factam vacantibus et impetratis dubitatur a nonnullis neutri dictorum litigantium in dictis perpetuis vicariis seu saltim ad earum aliquam jus competere. Quare supplicat s. v. dictus Petrus Voget actor, quatenus auditori hujusmodi cause dignemini mandare, ut, si sibi per eventum litis hujusmodi constiterit neutri dictorum litigantium in dictis vicariis seu earum aliqua jus competere, dictas perpetuas vicarias vel saltim illam, ad quam neutri litigantium jus competat [quarum fructus 16. mr. arg.], ... dicto Petro Voghet actori conferat ac provideat de eisdem non obstantibus, quod dicte vicarie seu earum aliqua de jure patronatus laicorum existant seu existat, ac perpetua vicaria in parrochiali ecclesia Antiqua Crempe Lubicensis diocesis, quam dictus Petrus Voghet obtinet [fructus 3 mr. arg.] .. Concessum. F. Gebennensis. Datum Rome apud ss. Apostolos 16. kal. nov. anno 10.