1431. 31. august. Odense

Tekst

... litteras siquidem sanctissimi in Christo patris ac domini nostri, domini Evgenii divina providentia pape iiijti, ejusdemque vera bulla plumbea cum cordula canopis more Romane curie impendente bullatas, sanas et integras, non vitiatas, non cancellatas, nec in aliqua sui parte suspectas, sed omni prorsus vitio et suspicione carentes, nobis per religiosum virum fratrem Vilhelmum Jacobi ordinis fratrum Minorum, pro et ex parte fratrum ejusdem ordinis provincie Datie procuratorio nomine, coram testibus infrascriptis presentatas, nos cum ea qua decuit reverentia noveritis recepisse, tenoris et continentie subsequentis. ... Post quarum quidem litterarum apostolicarum presentationem et receptionem, fuimus pro parte dictorum fratrum, per memoratum fratrem Vilhelmum , tanquam per legitimum procuratorem fratrum predictorum coram nobis personaliter constitutum, humiliter ac debita cum instantia requisiti, quatinus ad ipsarum litterarum apostolicarum cognitionem, intentionem et executionem, et contentorum in eisdem secundum traditam seu directam per eas a dicta sede nobis formam procedere dignaremur, Nos igitur Hermannus episcopus Vibergensis et executor prefatus, volentes mandatum apostolicum nobis in hac parte directum reverenter exequi ut tenemur, auctoritate apostolica nobis in hac parte commissa, juxta vim formam et tenorem literarum apostolicarum dictarum nobis directarum, et contentorum in eisdem, servatis servandis, adhibitis nobis viris venerandis discretis et jurisperitis, dominis, Nicholao Møørk priore monasterij sancti Kanuti Ottonie, Tukone officiali venerabilis in Christo patris ac domini domini Naffnonis episcopi Ottoniensis, et Nicholao Thørnberg canonico ibidem, ex quorum consilio et informatione rite legitimeque procedentes, habitaque per nos ac viros venerandos jurisperitos antefatos summaria cognitione, ac diligenti examinatione litterarum apostolicarum felicis recordationis Alexandri pape iiij, de quibus ut supra nobis facta est commissio specialis, quarum quidem litterarum apostolicarum tenor sequitur et est talis. ...