Udtog efter Rep. l.l.
Wii Egghert Wnsfleet , Kersten Hak , knapen, Jahan Zarow , Clawes Steker , radmanne, Detleff Knokenhouwer , Jacob Goldsmyt , borghere, unde Jesse Lasson bunde wonaftich in dem kerspele Stedorp bekennen, dat des mandages vor pinxsten uppe deme dinghe to Struxtorpe bad de erlike prester her Kord Ghos van des kalandes weghen der hilghen dreualdicheit der vicarien to Sleswiik ene witlicheit uppe de besittinghe des ghudes, dat de kaland heft in deme dorpe Scheggeruth.
Des stot de herdes voghet op unde nomede enen bedderuen unde[1] vordachten man, unde de upnomede 12 bedderue lude, dat en stoknefninghe het.
De 12 lude nemen hiir verteyndaghe toch up de warde to vorvarende.
Des quemen ouer de 14 daghe des dynghdaghes darna de prestere her Clemens , her Johan Mellinghusen , her Luder Koningh van des kalandes weghen unde beden umme desse witlicheit in to bringhende.
Des stot de voghet op unde esschede desse 12 lude de warheit to segghende.
Des stoden se up unde nemen mer erlike bedderue lude to sik, dat se de warde enkede segghen wolden.
Des quemen se in in ghesittende heghedeme gerichte des voghedes unde seden, dat se in liiftiden anders nicht vraghen konden, men dat desse kaland dat ghud rouweliken beseten hadde, unde ne bispraket wart, er nu her Erik Bundesson , domphere to Sleswiik, vrage umme ghedan heft.
Unse ingheseghel.
Ghescreuen des mandages vor Vite.
I perioden frem til 30. juni 2021 vil redaktionen udelukkende udarbejde tekster.