Tekst og arkivalske oplysninger efter APD l.l.
Petro Thuronis canonico Lundensi, magistro in artibus.
Litterarum scientia vite ac morum honestas (aliaque laudabilia probitatis et virtutum merita super quibus apud nos fidedigno commendaris testimonio nos inducunt ut ea tibi favorabiliter concedamus que tuis commoditatibus fore conspicimus oportuna)[1] .
Volentes itaque tibi consideratione Erici regis Dacie, pro te dilecto suo nobis super hoc supplicantis, gratiam facere specialem, unum in Lundensi et alium in Roskildensi, in quibus majores medie et minores prebende fore noscuntur, ecclesiis canonicatus tibi conferimus et de illis etiam providemus ac in Lundensi unam et in Roskildensi ecclesiis predictis aliam ex hujusmodi majoribus mediis vel minoribus prebendis necnon dignitatem personatum vel officium alterius earundem ecclesiarum, etiam si ad illam illum vel illud consueverit quis per electionem assumi eique cura immineat animarum, dummodo dignitas ipsa major post pontificalem non existat, si que vel si qui aut si qua vacant ad presens, vel cum vacaverint ..., conferendas vel conferendos seu conferenda tibi reservamus, non obstante si hodie pro aliis super equalibus gratiis in eisdem ecclesiis litteras nostras duxerimus concedendas. Nos enim tam illas quam presentes effectum sortiri volumus.
Datum Constantie 4. kal. febr. anno 1.
Simili modo Concordiensi et in Herivado ac Sorensi Lundensis et Roskildensis diocesium monasteriorum abbatibus.
I perioden frem til 30. juni 2021 vil redaktionen udelukkende udarbejde tekster.