Tekst efter Dipl. dioc. Lund. l.l.
Martinus etc. dilecto filio Tuchoni Johannis , canonico Roskildensi, salutem etc.
Vite ac morum honestas aliaque laudabilia probitatis et virtutum merita, super quibus apud nos fidedigno commendaris testimonio, nos inducunt, ut tibi reddamur ad gratiam liberales.
Cum itaque canonicatus et prebenda ecclesie Lundensis, quos dilectus filius Olavus , electus Arosiensis, tempore promotionis per nos facte de ipso ad ecclesiam Arosiensem tunc pastore carentem obtinebat, prout adhuc obtinet, per hujusmodi promotionem et munus consecrationis eidem electo impendendum vacare sperentur, nos volentes tibi premissorum meritorum tuorum intuitu gratiam facere specialem canonicatum et prebendam predictos, quorum fructus, redditus et proventus necnon quotidiane distributiones, illos pro tempore obtinenti et in dicta ecclesia divinis officiis interessenti cedere solite, quatuor marcharum argenti secundum communem extimacionem valorem annuum non excedunt, cum illos, ut prefertur, sive alias quovis modo preterquam per ipsius electi obitum vacare contigerit, conferendos tibi cum plenitudine juris canonici ac omnibus juribus et pertinentiis suis donationi apostolice reservamus ... non obstantibus ... quod, ut asseris, parrochialem ecclesiam in Wordingborg Roskildensis diocesis et canonicatum et prebendam Roskildenses obtines ac super Lincopensis necnon sancti Johannes in Haugis extra muros Herbipolenses ecclesiarum canonicatibus et prebendis, quorum possessionem non habes et quorum omnium fructus, redditus et proventus viginti marcharum argenti secundum communem extimacionem valorem annuum non excedunt, in palatio apostolico nosceris litigare ...
Datum Rome apud sanctum Petrum decimo octavo kal. decembris anno quarto.
Simili modo venerabilibus fratribus Civitatensi et Roskildensi episcopis ac dilecto filio decano ecclesie Hafnensis Roskildensis diocesis ...
I perioden frem til 30. juni 2021 vil redaktionen udelukkende udarbejde tekster.