Udtog efter Rep. l.l.
Hochgeborner furste.
Als her Sygmundt romischer etc. koning zu uwer liebe hern Henrich genant Rumpolt hertzog in der Slesien etc. als von solicher kriege und zweytracht wegen, so zwuschen dem koninge von Dennemarcke und uch sint, gesant und ime an uch zuwerben beuolhen hat dieselben zu eynem frydden eine gerume ziit zu stellen, und want ir nu wol wiszent, wie grosze irrunge ytzund in den landen sin und nemlich in dem koningrich zu Beheim mit bosen ketzerien, darumb uff dar man solichen ketzern desta follenkommelicher widdersteen mogen, dartzu man uwer wol bedarff, so bitten wir uch, daz ir uch in solicher uwer zweytracht friddelich finden laszen wollet und also bewisen als hertzog Henrik mit uch reden wirdet.
Datum Nuremberge nostris sub sig. Conradi et Friederici, quibus nos alii utimur ad presens, sabb. post diem Egidii.
Conradt zu Mentze, Dederich zu Colne und Otte zu Triere, ertzbischoffe, Ludewig paltzgraue bii Rine und hertzog in Beyern, Albrecht hertzog zu Sachsen und zu Luneburg und Friederich marggraue zu Brandenburg und burggraue zu Nuremberg, alle des heiligen richs kurfyrsten
I perioden frem til 30. juni 2021 vil redaktionen udelukkende udarbejde tekster.