1431. 20. september.

Tekst

Wyr bruder Walter Kirskorff Deutsches ordens kompthur czu Dantzig / Hans von Baysen ritther . Borcard von Guntersberge czu Kalys bekennen offenbar vor allen den die disse vffen schrift sehen horen adir leszen das sich am jore vnsers Heren thuwsundt vierhundert dornoch im xxxj^ten jm monden septembre die tegedinge des frundlichen tages czuwischen dem allerdurchluchsten fursten vnde heren . heren Erich czu Dennemarken Sweden Norwegen etcetera koning vnde seynen erwirdigen rethen an eynem parte / vnde den strengen vnde erbaren rethen der Holsten heren vnde der ersamen sehe stete alzs Lubek . Hamborch . Wismar vnde Lunenborch . am anderen teyle nu czu Nikopinge alzo vorgangen haben das die rethe vnsers heren des koninges vorgeschreben . erst von seyner gnade wegen vnde her selbest dornoch durch seyne rethe vor vns seyne gnade der Holsten heren rethe vnde stete . sich lies vorbieten noch deme alzs der allerdurchluchster here Romischer koning / vnde der erwirdige here homeister durch vns sendeboten liesze suchen her welde . vmme Gotes willen der gemeynen cristenheit / des vorbenomeden heren Romischen koninges vnde vmme des erwerdigen vnsers heren homeisters willen . gerne gehorsam seyn vnde sich czu sosen mit seynen widdersachen vnde nymmer losen bie ym gebroch vinden . wen her der were gewest czu allen czieten / der czu rechte . czu vrede vnde czu gnaden gekoren hette . vnde nye anders an ym irfunden were / das ym doch nye hette kunt widderfaren von seynen widdersachen / vnde vnder vil manchfeldigen handelungen die czuwischen beyden parten worden gevbet / das nicht al notruft ist czu setzen vnde czu schrieben irboten sich die rethe . des heren koninges von seyner gnaden wegen . das sie jn disser noch gerurten formen . gerne czu welden losen . vorgebende drierley weyse . ♦

Czu ersten . begerten sie vnde boten ire widdersachen das sie welden von irem heren koninge vfnemen was do ere vnde recht were . vnde ym das widder pflegen welden sprechende . do bie / sie hoften czu Gote es were eyne rechte vnde redliche irbietunge . dor bie sie ouch vorgoben . were es sache . das den vorbenomeden . seynen widdersachen . das recht czu swer were . her welde gerne eyne mogeliche frundschaft mit en angehen . seynen richen vnuorvenklich / ♦

Das ander was . ap es mit rechte adir frundschaft do nicht welde treffen . czu eyner entlichen entscheydunge / welde her desgelychen des heren Romischen koninges willen gerne vorvolgen nach vnsers machtbrieffes vszwysunge / vnde sich mit en sosen vf etczliche jor . in vrede . czu eynem vffslage des kriges / dor bynnen seyne gnade welde eyn swigen thun den Holsten heren . vnde sie losen des gebruchen das sie vff die cziet jn geweren hetten vnde hilden . wie wol eyn etczlich slos boben gebot des heren Romischen koninges vnde gehorsam were abgewunnen / den steten czu gunnen / iren burgeren vnde jnwoneren frey vnde sicher . seyne riche czu suchen vmme kofenschatcz . wille / czu thun dem heren koninge sulche pflicht alzs seyne lewthe . vnde ander seyne frund vsz anderen landen yn seynen richen teten . des geleychen seyne vnderzosen jn iren steten muchte widderfaren / ♦

Das dritte was^[1] was] mangler i A; tilføjet efter Aa. ap seynen widdersachen . disse beyde vorgebunge / nicht welden vfnemen vnde angehen so begerte her . vnde bat sie / das sie mit ym eynen korczen tag vnde vrede welden vorromen vff osteren pfingesten sente Johannis adir Vnser Frauwen tage assumpcionis nest komende noch deme her seyner riche rethe . nicht volk{oe}mlich vff die cziet bie ym hette . dy dor czu notruftig vnde nutcze weren die her vff dem vorbenomeden tage muchte brengen do her mit seynem rathe getruwete sich gutwillig loszen czu^[2] czu] mangler i A; tilføjet efter Aa. vinden . / ♦

Alzs nu der Holsten heren rethe . vnde der obenbenomeden stete . des heren koninges vorgebunge . von den rethen . vnde von vns / hatten vornomen / goben sie uff die drie artikel vorgeschreben . disse noch geschreben entwert / ♦

Vff das erste . alzs sie ere vnde recht hetten geboten etcetera sie hetten ere vnde recht ny abgeleget noch sich des gewegert sunder sie weren uff eynen tag gekomen der uff frundliche entscheydunge adir uf eynen vfslag etczlicher jor . voromet were / doruff sie ouch von iren heren vnde frunden vszgesant weren . die frundschaft sie gerne weiden suchen vnde angehen mit seynen gnaden so verre alzs die Holsten heren bie iren landen vnde veterlichen erben das sie von alders hetten besessen muchten blieben / das sie czu lene von seynen gnaden vnde seyner crone begerten . vnde ym do von getruwelich czu dinen vnde seyne man syn die stete des gelichen boten vnde begerten das sie bie iren priuilegien vnde brieffen / die sie von alders von koningen czu koningen von Dennemarken haben vnde seyne gnade bestetiget hot muchten blieben in seynen richen / des welden sie gerne getruwelich vmme seyne gnade vordinen vnde ym czu willen syn wor sie kunden adir muchten / das satczeten sie vsz vor eyne frundliche entscheydunge / do bie sie gerne blieben welden / ♦

Vff das ander . alsz des uffslages etczlicher jor noch vorgebunge von des heren koninges part / entwerten sie alzo . sie welden czu allen czieten gehorsam seyn jrem heren dem Romischen koninge / vnde vmme des gemeynen besten willen welden sie gerne eyne cziet von czen joren eynes vffslages des kriges mit seynen gnaden angehen . vnde boten dorynne seyne gnade czu bitten / vmme Gotes vnde des gemeynen besten willen der jore sie des czu geczwigen so her die Holsten heren welde losen gebruchen vnde halden der lande die sie jn geweren hetten vnde hilden . / die stete . vnde den gemeynen kofman der Hense liesse gebruchen jre priuilegien . brieffe vnde alde gewonheit jn seynen richen den vffslag bynnen den bescheydenen joren / des welden sie eyne cziet vorromen bynnen dem vffslage / des heren koninges gnade czu suchen durch sich selber mit sulcher demut vnde sulche dinste ym irczeygen / das sie getruweten gnade bie ym czu vinden / vnde frundlich mit ym czu entscheyden . / vnde ap sie nu durch sich alzo obengeruret seyne gnade nicht muchten vinden czu eynen gutlichen ende / welden sie doch nicht ablosen / sie welden seyne gnade suchen mit fursten . heren . vnde frunden so hoch vnde so demuttiglich das sie die scholt bie en nicht welden losen vinden jn frundlicher entscheydunge / ♦

Vff das dritte . alzs von dem vffslage der korczen cziet obenbenomet . vff osteren etcetera entwerten sie / eynen langen uffslag welden sie gerne angehen jn allen stucken . alzs obenberurt ist / vnde muchten uff korczen tagen keynen vrede mit en angehen . wen es en sere schedlich were so sie uff korcze tage jre were nidderlegeten / sunder eynen tag welden sie gerne mit seynen gnaden vorromen / der korczen cziet mit ym czu sampne czu komen noch seynem beger sunder keynen vrede bynnen der cziet mit en czu halden / ♦

Disse entwert uff die vorgebungen des heren koninges satczten die vorbenomeden der^[3] der] mangler i A; tilføjet efter Aa. Holsten heren rethe . vnde stete . alzo vor . do bie gentczlichen czu blieben / vnde muchten keyns dor an ablosen . / vff die entwert der Holsten vnde der stete . dor uff sie vorgoben gentzlich bie czu blieben sprachen des heren koninges rethe . wie wol sie es duchte eyn unbillig entwert vnde vorgebunge / doch welden sie gerne eyn swigen thun kegen den Holsten heren . sie loszen der lande czu gebruchen die sie jn geweren hetten bynnen der cziet des uffslages vnschedlich yderman an seynem rechte . sunder die stete . muchten sie jn keyner weyse czu losen irer priuilegien czu gebruchen wen es wol czu merken were das sie dor czu gedranget wurden wen man sie der priuilegien liesze gebruchen / do mit sie sich von beyden teylen vff den benumeten tag czu Nikopinge an ende schiden ♦

Jn geczugnisse der worheit alle der stucke obenbeschreben . haben wir sendeboten obenbenomet . durch bethe vnde anlegunge wille vnsers gnedigen heren des koninges von Dennemarken vorgeschreben itzlicher seyn jngesegel vor diessen brieff gehangen am obend Mathei ewangeliste des vorgeschreben jares . ♦