Tekst efter A, suppleret med rekonstruerede læsninger fra Aa og Rep., hvis intet andet nævnes.
Nos Johanne[s Nosseke prepositus Johannes Weghener canto]r ac totum capitulum ecclesie Sleswicensis capitulariter congregati concorditer et unanimi consensu [fatemur quod reddere] volumus indempnes reverendum patrem et dominum nostrum dominum Nicolaum episcopum Sleswicensem et ejus su[ccessores ab omni onere et] ulteriori solucione quod et quam via juris passi fuerint et fecerint exnunc et in futurum exi[gentur facere ab Andrea Iw]essone et ejus uxore Oden ac heredibus eorum occasione videlicet ista quod idem dominus noster Nicolaus episcopu[s bona quedam] videlicet Gammelbughart cum villis Gammelbu Winderath et colonis Satorpholm Vlasbu Ouxacker Calle[bu et Stenberghe in An]ghelen constitutis a prefatis Andrea et ejus uxore Oden ad utilitatem nostram emit et consecutus est spo[ndentes eidem et(?)] successoribus suis episcopis dicta fide refundere et restituere quecumque dampna et solvenda prefata realiter et cum effectu ita tamen [quod dominu]s Nicolaus episcopus et ejus successores sextam partam prefatorum dampnorum et solvendorum sine nostra sustineant restitucione e[t quod s]exta pars dictorum bonorum videlicet sola curia Gammelbughart cum suis limitibus juribus et attinenciis citra tamen prefatas villas et colonos ad ipsum dominum Nicolaum episcopum et ejus successores pro decem marcarum redditibus in villa Brodersbu ad distribucionem in festivitate beati Bartholomei apostoli ejusdem domini Nicolai episcopi et memoria sollempni ejus progenitorum et geneoloyge ac certum alium cultum divinum in literis[a] desuper confectis contentum pro ducentis mar[cis] Lubicensibus quas idem dominus Nicolaus episcopus exsolvit pertinentibus quos pro illa curia permutando refudit devenit ♦
Et rursum si juxta promissa que idem dominus Nicolaus episcopus illustri principi domino Adolpho duci Sleswicensi et heredibus ejus de consensu et consilio nostris fecit exactus haberet tradere et sigillare literam autenticam in qua eisdem domino duci et heredibus suis prefata bona in Gammelbughart villas et colonos ut prefertur nomine nostri emptos pro millequadringentis marcis in civitatibus Lubicensi et Hamburgensi currentibus exclusis tamen denariis concavis ac qui graves dicuntur cum edificiorum precio reemendi daretur potestas hoc quia dudum consentimus eciam presentibus concorditer et deliberati consentimus et quociens opus fuerit consentiemus ita tamen quod de predictis millequadringentis marcis nichil penitus eidem domino nostro Nicolao episcopo suisque successoribus pertineat et solvatur sed summa tota videlicet millequadringente marce quia tunc decem marcarum redditus in villa Brodersbu predicta ad mensam episcopalem predictam redient nobis et successoribus nostris in dicta moneta pertineat et solvatur atque edificia in dicta curia Gammelbughart erigens et solvens precium edificiorum vel ejus successor reportet ♦
In quorum omnium et singulorum fidem et testimonium premissorum presentes literas jussimus et fecimus sigilli nostri capituli appe[nsione] communiri ♦
Datum Sleswic anno domini millesimoquadringentesimotricesimosexto die beati Andree apostoli ♦
I perioden frem til 30. juni 2021 vil redaktionen udelukkende udarbejde tekster.