Tekst efter A.
In nomine domini amen ♦
Anno a nativitate domini ejusdem millesimo quadringentesimo tricesimotercio indiccione undecima die vero jovis quinta mensis marcii pontificatus sanctissimi in Christo patris et domini nostri domini Eugenii divina providencia pape quarti anno secundo reverendissimus in Christo pater et dominus dominus Ardicinus miseracione divina sanctorum Cosme et Damiani sacrosancte Romane ecclesie dyaconus cardinalis Novariensis wlgariter nunccupatus / michi notario publico infrascripto ad instanciam et requisicionem reverendi patris domini Olavi archiepiscopi Upsalensis commisit et mandavit transumere et excopiare ac in publicam formam redigere eidemque domino archiepiscopo dare quasdam litteras videlicet unam sub nomine serenissimi principis domini Erici regis Swecie Dacie et Norwegie et aliam sub nomine reverendi primo domini Petri archiepiscopi Lundensis necnon terciam sub nomine reverendorum patrum archiepiscopi et episcoporum de provincia Dacie scriptas et dicto reverendissimo patri domino cardinali anno indiccione pontificatu quibus supra et die nona mensis februarii ad finem et effectum quod dictus dominus Olavus archiepiscopus Upsalensis ad Hamarensem et reverendus pater dominus Arnoldus episcopus Bergensis ad Upsalensem ecclesias transferrentur in hujusmodi causis judici et commissario presentatas ac productas ♦
Quarumquidem litterarum tenores per ordinem sequuntur ♦
Tenor prime littere de verbo ad verbum sequitur et est talis /
Sanctissimo in Christo patri ac domino domino Eugenio (etc. = DD 1432. 8. okt., nr. 14321008001) / ♦
Alterius vero littere tenor sequitur et est talis /
Sanctissimo in Christo patri et domino domino Eugenio (etc. = DD 1432. 16. okt., nr. 14321016001) / ♦
Tercie vero littere tenor sequitur et est talis /
Sanctissimo in Christo patri et domino Eugenio (etc. = DD 1432. 20. sep., nr. 14320920001) / ♦
Acta sunt hec Rome anno indiccione pontificatu mense die quibus supra hora quasi meridiei in domo solite residencie dicti reverendissimi patris domini cardinalis in aula sua apud sanctum Laurencium in Damaso presentibus ibidem venerabilibus et circumspectis viris dominis Georgio de la Porta sedis apostolice prothonotario et Johanne Loher decretorum doctore cantore Trecorensi testibus ad premissa vocatis specialiter et rogatis . ♦
(Til venstre herfor Bartolomeus de la Portas notarmærke) Et ego Bartolomeus de la Porta canonicus Novariensis publicus apostolica et imperiali auctoritate <notarius>[1] / quia premissis peticioni requisicioni commissioni et mandato / omnibusque aliis et singulis dum sic ut premittitur fierent et agerentur una cum prenominatis testibus presens interfui / eaque sic fieri vidi et audivi / ideo hoc presens publicum instrumentum / per alium me aliis occupato negociis fideliter scriptum / exinde confeci signoque ac nomine meis consuetis signavi / rogatus et requisitus in fidem et testimonium omnium et singulorum premissorum ♦
I perioden frem til 30. juni 2021 vil redaktionen udelukkende udarbejde tekster.